რამდენიმე საათის წინ, ოფიციალურად დადასტურდა, რომ მადრიდის "რეალის" ფეხბურთელმა კარიმ ბენზემამ სანაკრებო კარიერა დაასრულა.

მოგეხსენებათ, კარიმს ბოლო პერიოდში ნაკრების ხელმძღვანელობასთან და სტაფის წევრებთან ურთიერთობა გაუფუჭდა, რის გამოც ფინალზე დასწრებაზეც უარი განაცხადა.

დღეს კი, მადრიდელთა ცხრიანმა, თავის დაბადების დღეზე, ასეთი გადაწყვეტილება მიიღო, რის შემდეგ სოციალურ ქსელში ასეთი პოსტი გამოაქვეყნა.

"ბევრი ვიშრომე, ბევრი შეცდომა დავუშვი, რათა მოვსულიყავი იქ, სადაც ახლა ვარ. ამის გამო დღეს უკვე ამაყი ვარ. მე დავწერე ჩემი ისტორია", - წერს ფრანგი.

აქვე გეტყვით, რომ ბენზემამ ნაკრებში 97 შეხვედრა ჩაატარა და 37 გოლიც გაიტანა.