მადრიდის "რეალისა" და "მანჩესტერ სიტის" შეხვედრამდე კარლო ანჩელოტიმ მედიასთან კომენტარი გააკეთა.

"რაც შეიძლება კარგად უნდა ვითამაშოთ. ვიცით, რომ გადამწყვეტი დაპირისპირება შემდეგ კვირას იქნება, თუმცა ამ შეხვედრაში ჩვენი შანსები მაქსიმალურად უნდა გამოვიყენოთ.

"ლუკა მოდრიჩი? ის კარგადაა და, რა თქმა უნდა, სასტარტოდანაც დაიწყებს.

"როგორ გავაჩეროთ ჰოლანდი? მხოლოდ ერლინგზე არ ვფიქრობთ. ჩვენი მიზანი მთლიანად გუნდის შეჩერება იქნება.

"სიტი" წელს უფრო სრულყოფილი გუნდია. ისინი დაცვაშიც კარგად მოქმედებენ და ბურთსაც არაჩვეულებრივად ათამაშებენ", - თქვა იტალიელმა.