დღეს, ჩემპიონთა ლიგის ნახევარფინალში მადრიდის "რეალისა" და "მანჩესტერ სიტის" უმნიშვნელოვანეს შეხვედრას ვიხილავთ.

მატჩის წინ, "ქალაქელთა" ნახევარმცველმა როდრიმ მედიასთან ისაუბრა.

"რეალს" დიდ პატივს ვცემთ. ისინი ამ ტურნირის მეფეები არიან, თუმცა არაფრის არ გვეშინია.

"წინა სეზონის თამაშში ბოლო წუთებზე კარგად ვერ ვითამაშეთ. მას მერე ბევრი რამ შევცვალეთ.

"ვფიქრობ, ფეხბურთი შურისძიების საშუალებას გაძლევს. ყოველთვის შეგიძლია წარსული გამოცდილებიდან რაღაც ისწავლო", - თქვა ესპანელმა.

შეგახსენებთ, რომ აღნიშნული დაპირისპირება ჩვენი დროით 23:00 საათზე დაიწყება.