ფრანგული გამოცემა "L'Equipe" მადრიდის "რეალთან" დაკავშირებით ახალ, საინტერესო ცნობებს ავრცელებს.

კერძოდ, აღნიშნული წყარო "პარი სენ-ჟერმენის" ნახევარმცველის მარკო ვერატის "სამეფო გუნდში" შესაძლო ტრანსფერზე წერს.

როგორც ირკვევა, იტალიელს კლუბის დატოვება სურს და ერთ-ერთ ვარიანტად სწორედ "ბლანკოსი" ესახება.

ამას ემატება ის, რომ ვერატის ანჩელოტისთან შესანიშნავი ურთიერთობა აქვს, ვინაიდან მათ ერთად ადრეც უმუშავიათ.

თუმცა მიუხედავად ამ ყველაფრისა, ნაკლებად სავარაუდოა მადრიდელებმა ვერატის მოყვანა მოინდომონ.