არაერთი გამოცემის მტკიცებით, ჯუდ ბელინგემის მადრიდის "რეალში" ტრანსფერი უკვე გადაწყვეტილია. 

დღეს ამის შესახებ მედიაში აქტიურად იწერებოდა. ვრცელდება ცნობები, რომ "ბლანკოსმა" ინგლისელის ტრანსფერი, პრაქტიკულად, უკვე შეათანხმა.

ამასთან, აღნიშნულ თემაზე Defensa Central სხვა საინტერესო ცნობებსაც გვაწვდის.

კერძოდ, გამოცემა წერს, რომ "რეალის" გამო ბელინგემმა "მანჩესტერ სიტის" სარფიან შემოთავაზებაზე უარი თქვა.

უფრო ზუსტად, "ბლანკოსი" ბელინგემს ანაზღაურების სახით წელიწადში 12 მილიონს ჰპირდება, მაშინ, როცა "ქალაქელების" შემოთავაზება 18 მილიონს უტოლდებოდა.

მაგრამ ამ წინადადებამ არ გაამართლა, როგორც ეს ხშირად ხდება ხოლმე და ფეხბურთელმა მადრიდული გიგანტი აირჩია.