როგორც მოგეხსენებათ, ჩემპიონთა ლიგის ნახევარფინალში მადრიდის "რეალის" მეტოქე "მანჩესტერ სიტი" იქნება.

ამ გუნდებს შორის პირველი დაპირისპირების წინ მადრიდელთათვის მეტად სამწუხარო ინფორმაცია გავრცელდა.

უკვე არაერთმა ცნობილმა გამოცემამ დაადასტურა ის, რომ ლუკა მოდრიჩი ტრავმირრბულია, რის გამოც იგი მინიმუმ ორ კვირას იუქმებს.

კერძოდ, ვეტერან ხორვატ ფეხბურთელს პრობლემები მარცხენა ფეხის ბარძაყზე აქვს და სწორედ ამიტომ, მან გუნდთან ერთად ვარჯიში ვერ მოახერხა.

უკვე გარანტირებულად ვიცით, რომ 37 წლის ფეხბურთელი კოპა დელ რეოს ფინალს გამოტოვებს. რაც შეეხება "ქალაქელებთან" მატჩს, მისი ამ შეხვედრაში თამაში ეჭვქვეშ დგას.

ცნობოსთვის, "რეალისა" და "სიტი" პირველი თამაში 9 მაისს, "სანტიაგო ბერნაბეუზე" შედგება.