როგორც მოგეხსენებათ, მადრიდის "რეალის" ლეგენდამ ლუკა მოდრიჩმა მისი ნაკრები მსოფლიო ჩემპიონატის ნახევარფინალში გაიყვანა, სადაც იგი არგენტინასთან დამარცხდა.

მოსალოდნელია, რომ ხორვატი სანაკრებო კარიერას დაასრულებს, თუმცა ამაზე ჯერ ლუკას კომენტარი არ გაუკეთებია.

სამაგიეროდ, ამ საკითხზე მედიასთან ისაუბრა ზლატკო დალიჩმა.

"ლუკას მომავალი? იგი გუშინ ძალიან იმედგაცრუებული იყო. ამ შეხვედრამ მასზე ძალიან იმოქმედა. არ ვიცი, დაასრულებს თუ არა იგი კარიერას. იმედია, ის დარჩება, თუმცა გადაწყვეტილება მისი მისაღებია. თუ მოდრიჩი კარიერას დაასრულებს, ეს დიდებული ზღაპრის დიდებული დასასრული იქნება." - ამბობს დალიჩი.