როგორც იცით, ლა ლიგის 31-ე ტურში მადრიდის "რეალი" გასვლაზე "ჟირონას" ესტუმრა და მოულოდნელად 4:2 დამარცხდა.

მიუხედავად მარცხისა, ვინისიუს ჟუნიორმა კარგი შეხვედრა ჩაატარა და გოლთან ერთად, საგოლე გადაცემაც მიითვალა.

შეხვედრის შემდეგ "ჟირონას" მთავარმა მწრთვნელმა მიჩელმა კომენტარი ბრაზილიელ ვინგერზე გააკეთა.

"ერთი-ერთზე თამაშის დროს ვინისიუსი მსოფლიოს საუკეთესო ფეხბურთელია. მისი გაჩერება ურთულესია.

"მას მარტოდაც შეუძლია შენი ჩაძირვა, რის გამოც ძალიან სახიფათო მეტოქეა", - განაცხადა მიჩელმა.