ლონდონის "არსენალის" ყოფილმა მწრთვნელმა არსენ ვენგერმა მედიასთან მადრიდის "რეალისა" და "მანჩესტერ სიტის" მომავალ დაპირისპირებაზე ისაუბრა.

"ამ მომენტში, მგონია, რომ სიტის მცირე უპირატესობა აქვს, რადგან დაცვაში ისინი მეტად სტაბილურები არიან, ვიდრე აქამდე იყვნენ. თუმცა უნდა ითქვას, რომ რეალი ახლა უფრო მეტად სახიფათო გუნდია და მათ მეტი ზიანის მოყენება შეუძლიათ, ვიდრე შარშან."

"ამ ყველაფერს რომ თავი დავანებოთ, რეალი რეალია, მათ ნებისმიერ მომენტში ნებისმიერი გუნდის წინააღმდეგ შეუძლიათ გოლის გატანა." - განაცხადა ფრანგმა სპეციალისტმა.

შეგახსენებთ, რომ მადრიდელები და მანჩესტერელები ერთმანეთს ჩემპიონთა ლიგის ნახევარფინალში შეხვდებიან.