მადრიდის "რეალის" შემტევმა როდრიგო გოეშმა ლონდონის "ჩელსისთან" გამართული შეხვედრის შემდეგ მედიასთან ისაუბრა.

"არ ვიცი, ჩემპიონთა ლიგაზე რა მემართება. ამის ახსნა არ შემიძლია."

"გოლის აღნიშვნისას, მსურდა, რომ მუხლებზე გავსრიალებულიყავი, თუმცა შემდეგ ჩემი კერპი, კრიშტიანუ გამახსენდა და მისი აღნიშვნა გავაკეთე."

"ერლინგ ჰოლანდს დიდ პატივს ვცემთ. მას გოლის გატანა ნებისმიერი მომენტიდან შეუძლია, თუმცა ჯერ დღევანდლელ მატჩს დაველოდებით, რადგან შეიძლება, "ბაიერნმა" ვითარება შეცვალოს." - განაცხადა როდრიგომ.

მოგეხსენებათ, ბრაზილიელმა "სტემფორდ ბრიჯზე" "არისტოკრატების" წინააღმდეგ ორი გოლის გატანა მოახერხა.