დღის ერთ-ერთი ყველაზე აქტუალური თემა კარლო ანჩელოტის ბრაზილიის ნაკრების შესაძლო ჩაბარებაა.

ბოლო საათებია, რაც მედია აქტიურად წერს, რომ შესაძლოა, მადრიდის "რეალის" მთავარმა მწრთვნელი სამხრეთ ამერიკული ნაკრების თავკაცი გახდეს.

აქედან გამომდინარე, ბუნებრივია, რომ მის შემცვლელებზე იწერება.

რა გასაკვირია, ერთ-ერთი მათგანი კი ზინედინ ზიდანია, როგორც ამას Defensa Central გვატყობინებს.

გამოცემის ინფორმაციით, ზიდანი არ გამორიცხავს, რომ "ბლანკოსში" მესამედ დაბრუნდეს.

მითუმეტეს, საფრანგეთის ნახევარფინალში გასვლით, დეშამმა თითქოს პოზიციები გაიმყარა და ჯერ მაინც არ არის გადაწყვეტილი ის ამბავი, რომ ზიზუ მუნდიალის შემდეგ ნაკრებს ჩაიბარებს.

ასე რომ, პრესა ანჩელოტის ერთ-ერთ შემცვლელად სწორედ ზიდანს ასახელებს.