ცნობილი ჟურნალისტი, სანტი აუნა მადრიდის "რეალის" შესახებ ახალ სატრანსფერო ინფორმაციას ავრცელებს.

მისი თქმით, მადრიდელეთა რადარზე "ნიცას" ახალგაზრდა ნახევარმცველი გამოჩნდა.

საუბარია კეფრენ ტურამზე, რომლითაც, ამავდროულად, "მანჩესტერ სიტი" და "პსჟ" არიან დაინტერესებულნი.

წყარო აქვე დასძენს, რომ ფრანგული კლუბი კეფრენის სანაცვლოდ მინიმუმ 60 მილიონ ევროს ითხოვს.

ცნობისთვის, ტურამმა მიმდინარე სეზონში "ნიცას" რიგებში მონაწილეობა 41 მატჩში მიიღო, სადაც თავი 2 გოლითა და 8 ასისტით გამოიჩინა.