ბოლო პერიოდის განმავლობაში, "ვალენსიას" მეკარე, გიორგი მამარდაშვილი არაერთ კლუბთან დააკავშირეს.

გავრცელდა ინფორმაცია, რომ ქართველის გადაბირებით პრემიერ ლიგის კლუბები არიან დაინტერესებულნი.

გარდა ინგლისელებისა, მამარდას მიმართ ინტერესი მადრიდის "რეალსაც" გააჩნია და ამ საკითხზე DefensaCentral-მა საკმაოდ საინტერესო ინფორმაცია გაავრცელა.

წყაროს ცნობით, იმ შემთხვევაში, თუ "ღამურები" ლა ლიგა 2-ში დაქვეითდნენ, "ბლანკოსი" ქართველის გადაბირებას შეეცდება.

აქვე უნდა ავღნიშნოთ ის ფაქტი, რომ მადრიდელები გიორგის მთავარ მეკარედ არ განიხილავენ. როგორც ირკვევა, არის შანსი, რომ ზაფხულში ანდრეი ლუნინმა "ბლანკოსის" რიგები დატოვოს და "თეთრებს" უკრაინელის შემცვლელად სწორედ საქართველოს ნაკრების კარის დარაჯი მიაჩნიათ.

აქვე გეტყვით, რომ "ვალენსია" მეორე დივიზიონში დაქვეითებასთან არცთუისე შორსაა, ვინაიდან "ღამურები" 27 მოპოვებული ქულით მე-18 პოზიციაზე იმყოფებიან.