ცნობილმა და სანდო გამოცემა "The Athletic"-მა მადრიდის "რეალის" ფეხბურთელის, მარკო ასენსიოს მომავლის შესახებ ახალი ინფორმაცია გაავრცელა.

როგორც იწერება, ესპანელ შემტევს "სამეფო გუნდში" დარჩენა და კლუბთან ახალი კონტრაქტის გაფორმება სურს.

წყარო აქვე დასძენს, რომ სულ მალე მარკო მადრიდელებთა ახალ, 4-5 წლიან კონტრაქტს გააფორმებს.

გავრცელებული ცნობებით, ახალი ხელშეკრულების პირობების მიხედვით, ასენსიოს წლიური ანაზღაურება უფრო მეტი იქნება, ვიდრე ახლა არის.

მოგახსენებთ, რომ 27 წლის თავდამსხმელმა მიმდინარე სეზონში "ბლანკოსის" მაისურით 37 მატჩი ჩაატარა და თავი 8 გოლითა და 6 ასისტით გამოიჩინა.