მადრიდის "რეალთან" და ხვიჩა კვარაცხელასთან დაკავშირებული ჭორები უკვე ყოველდღიურობად იქცა.

მედიაში აღნიშნულ საკითხთან დაკავშირებით ახალ ცნობებს იტალიური გამოცემა Repubblica ავრცელებს.

გამოცემის ინფორმაციით, "ბლანკოსმა" კვარას შესაძენად პირველი ნაბიჯები უკვე გადადგა, რაც ქართველი შემტევის გარემოცვასთან დაკავშირებას გულისხმობს.

წყაროს ცნობით, მადრიდელები მზად არიან ყველაფერი გააკეთონ, რათა ხვიჩა მათ გუნდში იხილონ.

მართალია, კარლო ანჩელოტის მომავალი ჯერ გადაწყვეტილი არ არის, თუმცა ეს კვარას ტრანსფერზე არანაირ გავლენას არ ახდენს.

გამოცემა ასევე წერს, რომ "ნაპოლი" მის სანაცვლოდ მინიმუმ 110 მილიონს მოითხოვს.