როგორც იცით, მადრიდის "რეალმა" კოპა დელ რეის ნახევარფინალში კატალონიის "ბარსელონას" დამარცხებით ფინალის საგზური მოიპოვა.

მიუხედავად იმისა, რომ მადრიდელებმა "სანტიაგო ბერნაბეუზე" პირველი თამაში 0:1 დათმეს, "კამპ ნოუზე" მეტოქის 0:4 განადგურება მაინც მოახერხეს.

აღსანიშნავია, რომ ტურნირის ფინალში "ბლანკოსის" მეტოქე "ოსასუნა" იქნება, რომელმაც ნახევარფინალში "ბილბაოს ატლეტიკი" დაამარცხა.

რაც შეეხება ფინალის თარიღს, მადრიდელებსა და პამპლონელებს შორის მატჩი 6 მაისს, სევილიაში, "ლა კარტუხაზე" შედგება და შეხვედრა ჩვენი დროით 23:55 საათზე დაიწყება.