1 წლის და 3 თვის წინ
არაუხო: "ვინისიუსი მთელი მატჩი ამას აკეთებდა"
არაუხო: "ვინისიუსი მთელი მატჩი ამას აკეთებდა"
ავტორი
Aa

როგორც იცით, კოპა დელ რეის საპასუხო მატჩში მადრიდის "რეალმა" კატალონიის "ბარსელონა" 0:4 გაანადგურა.

"ბლაუგრანას" ურუგვაელმა მცველმა რონალდ არაუხომ მატჩის შემდეგ მედიასთან საინტერესო კომენტარი გააკეთა.

22 წლის უკანახაზელმა განსაკუთრებული ყურადღება "სამეფო კლუბის" ბრაზილიელი გარემარბის, ვინისიუსის საქციელზე გაამახვილა.

"ყოველთვის ვცდილობ, რომ მეტოქეს პატივი ვცე, მაგრამ ამაღამ ცოტა გავცხარდი. როცა ვიღაც პატივს არ მსცემს, მას პასუხი უნდა გავცე.

ვინისიუსი? ის დიდებული ფეხბურთელია, თუმცა მხოლოდ ფეხბურთზე უნდა ფოკუსირდეს. მთელი მატჩის განმავლობაში იგი ჩვენს ფეხბურთელებს ამას თუ იმას ეუბნებოდა.

ეს მძიმე მარცხია, მაგრამ დარწმუნებული ვარ, ჩვენზე დიდ გავლენას ვერ მოახდენს. ჩვენი მთავარი მიზანი ლა ლიგის მოგებაა.

როდესაც მეორე გოლს ვუშვებთ, გუნდი ინგრევა. ეს უნდა გამოვასწოროთ. მეორე შემთხვევაა, როცა მსგავსი რამ დაგვემართა," - თქვა არაუხომ.

შეგახსენებთ, რომ ორი მატჩის ჯამში, კატალონიელებმა თავიანთ პრინციპულ მეტოქესთან ანგარიშით 1:4 წააგეს.


Facebook კომენტარები