როგორც იცით, ხუთ აპრილს კოპა დელ რეის ნახევარფინალში კატალონიის "ბარსელონასა" და მადრიდის "რეალის" მატჩი შედგება.

აღნიშნული შეხვედრის წინ, "ბლანკოსის" თავკაცმა კარლო ანჩელოტიმ მედიასთან ისაუბრა.

"ჩვენ ორიენტირებულები და მოტივირებულები ვართ. კარგი იმედები გვაქვს.

"არიან თუ არა მოდრიჩი და კროოსი ხელშეუხებლები? დიახ. მაგრამ ეს იმას არ ნიშნავს, რომ ისინი ორივე ძირითადიდან დაიწყებენ.

"ელ კლასიკო ყოველთვის ყველაზე მნიშვნელოვანი თამაშია. მეტოქეობა დიდია. ვიცით, რომ შეგვიძლია კიდევ ერთი ფინალის თამაში. კოპა დელ რეი ძალიან მნიშვნელოვანია.

"ყოველთვის ერთი და იგივე შემადგენლობა ბარსას წინააღმდეგ? შეიძლება შეიცვალოს, ან არა. ბოლო ორი თამაში კარგად ვითამაშეთ. ნოუ კამპზე მოგების შანსი გვქონდა.

"ენერგია და გამოცდილება ხვალ მნიშვნელოვანი იქნება. ჩვენ ასევე ძალიან კარგად უნდა ვითამაშოთ დაცვაში. მნიშვნელოვანი იქნება ვეტერანი ფეხბურთელების გამოცდილება.

"ჩვენ არ ვითხოვთ, რომ მარცხენა მცველმა შეტევაში აქტიურად ითამაშოს, ვინაიდან იქ ვინისიუსია. 

"დროა, "კლასიკო" მოვიგოთ. თუ კარგად ვითამაშებთ, გოლების მარტივად გატანასაც შევძლებთ.

"ჩემს მომავალზე არ ვლაპარაკობ. უკვე ვთქვი.

"ჩვენს ფეხბურთელებს არ ეხებათ ის ფაქტი, რომ მათ კონტრაქტი ივნისში ეწურებათ. ისინი თამაშებზე არიან ორიენტირებულნი.

"ასენსიო და კლუბი მისი კონტრაქტის გახანგრძლივების საკითხს განიხილავენ.

"ჩუამენი და კამავინგა სასტარტოში? XI-ის არჩევა რთულია. ყველა მოთამაშეს სურს დაწყება", - განაცხადა იტალიელმა.