Diario SPORT წერს, რომ ჩავი ერნანდესი ოთხშაბათს გასამართ "ელ კლასიკოში" რონალდ არაუხოს ისევ მარჯვენა მცველის პოზიციაზე დააყენებს.

ურუგვაელის ამოცანა მადრიდის "რეალის" ბრაზილიელი გარემარბის, ვინისიუსის განეიტრალება იქნება. არაუხოს ეს არაერთხელ გამოსვლია და "ბლაუგრანას" თავკაცი მისგან ამას კიდევ ერთხელ ელოდება.

2023 წელს ჩატარებული 3-ვე "კლასიკო" რონალდმა მარჯვენა მცველად ითამაშა და იგი მოედანზე ერთ-ერთი საუკეთესო გახლდათ.

შეგახსენებთ, რომ "ბარსასა" და "ბლანკოსის" მორიგი დაპირისპირება 5 აპრილს, თბილისის დროით 23 საათზე დაიწყება.

მატჩი კოპა დელ რეის ნახევარფინალური ეტაპის საპასუხო ჯახიხ ეგიდით შედგება. პირველი შეხვედრა "ბარსამ" "სანტიაგო ბერნაბეუზე" ანგარიშით 1:0 მოიგო.