როგორც იცით, ლა ლიგის 26 ტურის შემდეგ სატურნირო ცხრილს კატალონიის "ბარსელონა" 68 ქულით ლიდერობს.

"ელ კლასიკოში" დამარცხების შემდეგ კი მადრიდის "რეალს" ისევ 56 ქულა დარჩა და კლუბის საჩემპიონო შანსები მნიშვნელოვნად შემცირდა.

FiveThirtyEight-ის სუპერკომპიუტერმა ესპანეთის ჩემპიონატზე ახალი პროგნოზი გააკეთა.

მისი ვარაუდით, ესპანეთის ჩემპიონი "ბლაუგრანა" გახდება, რომლის შანსები 95%-ით შეაფასა.

რაც შეეხება "სამეფო გუნდს", მისი ჩემპიონობის შანსი 3%-ით ფასდება.

აქვე გეტყვით, რომ "რეალი" ლა ლიგაში მორიგ მატჩს 2 აპრილს, "ვალიადოლიდის" წინააღმდეგ ჩაატარებს.