როგორც მოგეხსენებათ, სეზონის ბოლოს დანი სებალიოსს მადრიდის "რეალთან" კონტრაქტი ეწურება.

მის მომავალთან დაკავშირებით ბოლო დროს არაერთი ინფორმაცია ვრცელდება.

თავიდან იწერებოდა, რომ იგი კლუბთან კონტრაქტს გაახანგრძლივებდა, თუმცა ამ დრომდე ამ კუთხით საქმე წინ არ წასულა.

Marca-ს ინფორმაციით, ესპანელისთვის პრიორიტეტული "რეალში" დარჩენაა, მაგრამ ჯერ კლუბიდან მას არავინ დაკავშირებია.

სამაგიეროდ, მისი მსურველი "ატლეტიკო" დანის უკვე ორჯერ დაუკავშირდა.

ასე რომ, თუ მან "სამეფო გუნდთან" კონტრაქტი არ გაახანგრძლივა, შეიძლება, იგი მეორე მადრიდულ გუნდში ვიხილოთ.