მადრიდის "რეალის" ყოფილმა ფეხბურთელმა კარლოს ენრიკე კაზემირომ მედიასთან ისაუბრა, სადაც კარლო ანჩელოტის ბრაზილიის ნაკრებში შესაძლო დანიშვნაზეც ჰკითხეს.

"ანჩელოტი ბრაზილიაში? კარლო ჩემი მეგობარია. მასთან ერთად მუშაობა სიამაყის განცდას მაძლევს, თუმცა ამ მომენტისთვის, იგი "ბლანკოსის" მწრთვნელია და ამას პატივი უნდა ვცეთ." - განაცხადა მან.

შეგახსენებთ, რომ არის შანსი იტალიელმა სპეციალისტმა "სამეფო გუნდის" რიგები დატოვოს.

მოგეხსენებათ, ეს იმ შემთხვევაში მოხდება, თუ კლუბი წელს ჩემპიონთა ლიგას ვერ მოიგებს. ეს პირობა ლალიგაზეც ვრცელდებოდა, თუმცა ბოლო კლასიკოში განცდილი მარცხის შემდეგ, ლალიგისთვის ბრძოლა რთული იქნება.