მადრიდის "რეალი" რომ ხვიჩა კვარაცხელიას ტრანსფერითაა დაინტერესებული, ამაზე, როგორც ესპანური, ასევე იტალიური მედია გამოცემები უკვე დიდი ხანია წერენ.

ამჯერად საინტერესო ცნობებს areanpoli ავრცელებს.

წყაროს ინფორმაციით, ნეაპოლური გუნდი "ბლანკოსისთვის" ხვიჩას მარტივად დათმობას არ აპირებს.

ეს იმას გულისხმობს, რომ იტალიელები კვარას სანაცვლოდ დიდ თანხას მოითხოვენ და რაც მთავარია, ეს 100 მილიონზე მეტი იქნება.

აქამდე იწერებოდა, რომ ამაზე ნაკლებ თანხად "ნაპოლი" ქართველს არ დათმობდა, თუმცა ახლა უკვე საქმე ისეა, რომ "პარტენოპეის" ხელმძღვანელობა 100 მილიონზე მეტს ითხოვს.