მადრიდის "რეალის" ლეგენდარულმა მეკარემ იკერ კასილასმა მედიასთან საინტერესო რამ განაცხადა.

ყოფილმა ესპანელმა ფეხბურთელმა კომენტარი ტიბო კურტუასა და მარკ-ანდრე ტერ შტეგენზე გააკეთა.

"ვფიქრობ, ტერ შტეგენი ახლა უკეთესია, ვიდრე კურტუა. ეს როგორც თამაშზე, ისე შედეგსა და სტატისტიკაზეც კარგად ჩანს", - თქვა იკერმა.

მოგახსენებთ, რომ "ბლაუგრანას" ტოპ 5 ლიგაში ყველაზე ცოტა, 9 გოლი აქვს გაშვებული.

რაც შეეხება მადრიდელებს, მათ ლა ლიგაში 21 გოლი გაუშვეს, რაც ესპანეთის ჩემპიონატში მე-3 საუკეთესო შედეგია.