"ნაპოლის" ქართველმა შემტევმა ჩემპიონთა ლიგური მატჩის შემდეგ მედიასთან მცირე კომენტარი გააკეთა.

აღსანიშნავია, რომ იგი ტიერი ანრიმ მადრიდის "რეალის" შემტევს ედენ აზარს შეადარა. ამასთან დაკავშირებით ხვიჩას ჟურნალისტებმაც ჰკითხეს.

"აზარი ძალიან დიდი ფეხბურთელია და მის დონემდე ბევრი მიკლია, თუმცა ყველაფერს გავაკეთებ, რომ წარმატებული ფეხბურთელი ვიყო და ჩემი გულშემატკივრები მაქსიმალურად გავახარო." - ამბობს კვარაცხელია.

მოგეხსენებათ, ქართველ შემტევს "ბლანკოსთან" აქტიურად აკავშირებენ, თუმცა სერიოზული ჯერ არაფერია.