როგორც მოგეხსენებათ, 19 მარტს მადრიდის "რეალს" ლა ლიგის 26-ე ტურის მატჩი კატალონიის "ბარსელონას" წინააღმდეგ ელის.

ამ შეხვედრას კატალონიელები "სამეფო კლუბთან" 9-ქულიანი უპირატესობით ხვდებიან. გამარჯვების შემთხვევაში, პირველ და მეორეადგილოსნებს შორის სხვაობა 12 ქულამდე გაიზრდება.

რა თქმა უნდა, ეს "ბლაუგრანას" ფეხბურთელებმაც შესანიშნავად იციან.

SPORT-ის ინფორმაციით, "ლურჯ-ბროწეულისფერთა" რიგებში ასეთი განწყობაა: "თუ კვირას მოვიგებთ, ჩემპიონები გავხდებით."

მაშასადამე, არ იქნება გადაჭარბებული თუ ვიტყვით, რომ კვირას ჩავის გუნდს საჩემპიონო მატჩი აქვს გასამართი.

"ელ კლასიკო" თბილისის დროით 23:55 საათზე დაიწყება.