როგორც მოგეხსენებათ, წილისყრის შემდეგ ცნობილი გახდა, რომ მადრიდის "რეალი" ჩემპიონთა ლიგის 1/4 ფინალში ლონდონის "ჩელსის" დაუპირისპირდება.

ამასთანავე, გაირკვა, თუ როდის და ვის მოედანზე შედგება აღნიშნულ კლუბებს შორის პირველი და მეორე მატჩები.

კენჭისყრის შედეგების მიხედვით, "სამეფო გუნდი" პირველ თამაშს სახლში, "სანტიაგო ბერნაბეუზე" ითამაშებს, რომელიც 12 აპრილს ჩატარდება.

რაც შეეხება საპასუხო დაპირისპირებას, ეს შეხვედრა 18 აპრილს, "სტემფორდ ბრიჯზე" გაიმართება.