"ნაპოლის" ქართველმა შემტევმა ხვიჩა კვარაცხელიამ დაპირებული საჩუქარი მიიღო.

როგორც მოგეხსენებათ, "რეალის' ლეგენდამ გუტი ერნანდესმა El Chiringuito-ს ეთერში კვარას პირობა მისცა, რომ მის მაისურს გაუგზავნიდა.

აღნიშნული ტელევიზიის წარმომადგენლები კი კვარას ნეაპოლში ესტუმრნენ და გუტის მიერ გამოგზავნილი მაისური გადასცეს.

"ხვიჩასთვის. იმედია, მოგეწონება და აიხდენ შენს ოცნებას. გელოდები მადრიდში" - წერს გუტი.

"მადლობა საჩუქრისთვის. ჩემთვის ეს ბევრს ნიშნავს, დიდი პატივია. მეც გამოგიგზავნით საჩუქარს, თქვენ ლეგენდა ხართ" - უპასუხა კვარამ.