როგორც მოგეხსენებათ, ხვალ მადრიდის "რეალი" ჩემპიონთა ლიგის მერვედფინალური ეტაპის განმეორებით შეხვედრაში "ლივერპულს" დაუპირისპირდება.

აღნიშნული მატჩის წინ კარლო ანჩელოტის პრაქტიკულად უკვე გადაწყვეტილი აქვს, თუ როგორ შემადგენლობას დააყენებს, თუმცა Rodra-ს ინფორმაციით, იტალიელ სპეციალისტს ერთი თავსატეხი აქვს.

კერძოდ, მას ვერ გადაუწყვეტია, თუ ვინ დააყენოს საყრდენ ნახევარმცველად ედუ კამავინგა თუ ორელიენ ჩუამენი.

შეგახსენებთ, რომ პირველი მატჩი მადრიდელებმა ენფილდზე 2:5 გაიმარჯვეს, თუმცა არავითარ შემთხვევაში მოდუნება არ შეიძლება.