ლა ლიგის 25-ე ტურში მადრიდის "რეალმა" "სანტიაგო ბერნაბეუზე" "ესპანიოლი" მიიღო და მეტოქე 3:1 დაამარცხა.

მატჩის შემდეგ, "ბლანკოსის" მთავარმა მწრთვნელმა კარლო ანჩელოტიმ მედიასთან ისაუბრა.

"მოწინააღმდეგის გოლმა ჩვენზე გავლენა არ მოახდინა. ჩვენ თავდაჯერებულები ვიყავით.

"ჩუამენი? მან რამდენჯერმე ბურთი დაკარგა, თუმცა კარგად ითამაშა. ფრანგს სხვა ტიპის თამაში ურჩევნია.

"შეტევაში დღეს ძალიან სწრაფები ვიყავით, ამიტომ გოლის გატანის მეტი შანსი გვქონდა.

"ლივერპული? გასულ სეზონში ლონდონის "ჩელსისთანაც" გვქონდა უპირატესობა, თუმცა შემდეგ დაძაბული ბრძოლა გაიმართა. მთავარია, რომ არ მოვდუნდეთ", - თქვა იტალიელმა.