საინტი აუმა მადრიდის "რეალის" ერთ-ერთ მთავარ სამიზნეზე ჯუდ ბელინგემზე ახალ, საინტერესო ინფორმაციას ავრცელებს.

მოგეხსენებათ, ბოლო პერიოდში იწერება, რომ ჯუდის ოჯახი უფრო მეტად პრემიერ ლიგისკენ იხრება და ინგლისელს სწორედ სამშობლოში გადაბარგებისკენ მოუწოდებენ.

თუმცა ამის საპირისპიროდ, თავად ბელინგემი "ბლანკოსში" თამაშის სურვილითაა შეპყრობილი.

ჟურნალისტის ინფორმაციით, ბელინგემს თანაგუნდელებისთვის არაერთხელ უთქვამს, რომ მისი სურვილი "რეალში" თამაშია და ამას არ მალავს.

ასე რომ, ამის გათვალისწინებით, ზაფხულში ინგლისელის დამატების ყველაზე დიდი შანსი სწორედ "სამეფო გუნდს" ექნება.