ცნობილმა ჟურნალისტმა, სანტი აოუნამ მადრიდის "რეალის" ფეხბურთელის, ლუკა მოდრიჩის შესახებ ახალი ინფორმაცია გაავრცელა.

მისი თქმით, იმის შანსი, რომ ხორვატმა სეზონის ბოლოს მადრიდელთა რიგები დატოვოს უფრო დიდია, ვიდრე კლუბში დარჩენის.

აღნიშნულ საკითხთან დაკავშირებით მედიაში ჯერჯერობით სხვა ცნობები არ გავრცელებულა და ხორვატის მომავალთან დაკავშირებით ზუსტ ინფორმაციას სავარაუდოდ, მომავალ თვეში გავიგებთ.

აქვე გეტყვით, რომ ლუკას "ბლანკოსთან" კონტრაქტი ამ წლის ზაფხულში უმთავრდება.

რაც შეეხება მის შედეგებს, მოდრიჩმა მიმდინარე სეზონში ლა ლიგასა და ჩემპიონთა ლიგაზე 27 მატჩში მიიღო მონაწილეობა და 6 გოლთან ერთად, 4 საგოლე პასიც მიითვალა.