როგორც მოგეხსენებათ, ლალიგის ბოლო ტურში მადრიდის "რეალი" "ბეტისს" შეხვდა, სადაც "სამეფო გუნდმა" გოლის გატანაც ვერ მოახერხა.

მადრიდელებმა მნიშვნელოვანი ქულები დაკარგეს და კატალონიის "ბარსელონას" უკვე 9 ქულით ჩამორჩებიან.

გარდა ამისა, ბოლო შეხვედრებში თუ "ლივერპულთან" მატჩს არ ჩავთვთლით, "რეალი" აშკარად ცუდად გამოიყურება.

ეს ყველაფერი კი ფლორენტინო პერესს არ მოსწონს და სწორედ ამიტომ, "ბეტისთან" შეხვედრის შემდეგ იგი გასახდელში ჩავიდა, რათა ფეხბურთელებთან და ანჩელოტისთან ესაუბრა.

მისი ეს ბრაზი სათავეს "ბარსასთან" წაგებული მატჩის შემდეგ იღებს და იწერება, რომ პრეზიდენტი ანჩელოტის ბოლოდროინდელი გადაწყვეტილებებით დიდად კმაყოფილი არ არის, როგორც ამას Diario AS წერს.