მადრიდის "რეალის" მთავარმა მწრთვნელმა კარლო ანჩელოტიმ "ბეტისთან" ვერ მოგების შემდეგ მედიასთან ისაუბრა.

"ბოლო სამ მატჩში მხოლოდ 1 გოლი გავიტანეთ და ისიც სტანდარტიდან. ეს საშინელებაა. უფრო მეტად ეფექტურები უნდა ვიყოთ. საჭიროა მეტი დარტყმა და ნაკლები დრიბლინგი."

"აქვს თუ არა რეალს ჩემპიონობის შანსი? 9 ქულა ბევრია, თუმცა ეს შეუძლებელი არაა. ჩვენ ბოლომდე ვიბრძოლებთ."

"ენფილდზე 5 გოლი გავიტანეთ, თუმცა შემდეგ სამ შეხვედრაში მხოლოდ 1. ეს ძალიან უცნაურია."

"დაცვაში კარგად ვითამაშეთ, მაგრამ შეტევაში ბალანსი დაგვაკლდა."

"დაუჯერებელია, როცა ასეთი დონის მოთამაშეები გოლის გატანას ვერ ახერხებენ." - განაცხადა იტალიელმა სპეციალისტმა.

შეგახსენებთ, რომ "ბლანკოსსა" და "ბეტისს" შორის შეხვედრა 0:0 დასრულდა.