მადრიდის "რეალის" ყოფილმა ფეხბურთელმა ლუკა იოვიჩმა მედიასთან საინტერესო კომენტარი გააკეთა.

კერძოდ, სერბმა "სამეფო გუნდში" გატარებული პერიოდი გაიხსენა.

"ფრანკფურტის "აინტრახტის" დატოვება და "ბლანკოსში" გადასვლა ადრე მომიწია. ჯერ მხოლოდ 21 წლის ვიყავი და ადაპტაცია გამიჭირდა.

"ამასთანავე, მაწუხებდა ტრავმები და დიდი ზეწოლის ქვეშ ვიყავი. ეს ჩემთვის კარგი პერიოდი არ იყო", - განაცხადა ლუკამ.

შეგახსენებთ, რომ მიმდინარე სეზონის სტარტზე იოვიჩმა "რეალის" რიგები დატოვა და "ფიორენტინას" შეუერთდა.