ჟურნალისტი ალბერტო პერეიროს ინფორმაციით, მადრიდის „რეალის“ ინგლისელმა ვარსკვლავმა, ჯუდ ბელინგემმა, მხრის პრობლემის გამო ქირურგიული ოპერაცია ჩაიტარა და იგი მოედანზე დაბრუნებას დაახლოებით 3-4 თვის შემდეგ შეძლებს.

ბელინგემი უკვე რამდენიმე კვირის განმავლობაში დისკომფორტს განიცდიდა და მიუხედავად იმისა, რომ თამაშს აგრძელებდა, სამედიცინო შტაბმა გადაწყვიტა, რომ პრობლემის მოსაგვარებლად ოპერაცია ერთადერთი გონივრული გამოსავალი იყო.

ეს ნიშნავს, რომ 2025/26 წლების სეზონის დასაწყისში ბელინგემი გუნდს დიდი ალბათობით ვერ დაეხმარება და მის სრულ გამოჯანმრთელებას დრო დასჭირდება.

კლუბი ოპტიმისტურადაა განწყობილი, რომ ინგლისელი ნახევარმცველი სრული დატვირთვით დაბრუნდება და სეზონის გადამწყვეტ ფაზებში ისევ გადამწყვეტ როლს შეასრულებს.