ბოლო პერიოდში, მადრიდის "რეალსა" და ხვიჩა კვარაცხელიას კავშირზე მედია აქტიურად წერს.

ამ ფაქტს დამატებით ხიბლსა და ეშხს ის სძენს, რომ თავად ხვიჩა მადრიდისტაა.

ამჯერად საინტერესო ცნობებს ესპანური მედია ავრცელებს. ერთ-ერთი გამოცემის ინფორმაციით, "ბლანკოსში" მზად არიან კვარას სანაცვლოდ ზაფხულში 100 მილიონი გადაიხადონ.

მოგეხსენებათ, "ნაპოლიში" ქართველი შემტევის გაშვებაზე არც კი ფიქრობენ, თუმცა როგორც "პარტენოპეის" პრეზიდენტმა განაცხადა, შეიძლება იყოს ისეთი შემოთავაზებები, რომელზეც უარს უბრალოდ ვერ იტყვი.

ასე რომ, არ უნდა გამოვრიცხოთ, რომ ასეთი წინადადება იტალიელებმა სწორედ მადრიდელებისგან მიიღონ.