გავრცელებული ცნობების მიხედვით, ლონდონის "არსენალი" აქტიურად აკვირდება მადრიდის "რეალის" ბრაზილიელ ვინგერს, როდრიგოს, და მისი ტრანსფერის განხორციელების სურვილი აქვს.

როგორც ავტორიტეტული ინსაიდერი ფაბრიციო რომანო იტყობინება, ინგლისური კლუბი მარცხენა ფლანგის გასაძლიერებლად ახალ ვარიანტებს განიხილავს და როდრიგო ერთ-ერთ მთავარ სამიზნედ იქცა.

თუმცა ამ ეტაპზე, როგორც რომანო წერს, "ბლანკოსს" ბრაზილიელი ვინგერის თაობაზე არცერთი ოფიციალური წინადადება არ მიუღია – არც "არსენალისგან" და არც სხვა კლუბებისგან.

სავარაუდოა, რომ სიტუაცია ზაფხულის სატრანსფერო ფანჯრის მსვლელობისას უფრო მეტად გასერიოზულდება – განსაკუთრებით იმ შემთხვევაში, თუ "არსენალი" კონკრეტულ ნაბიჯებს გადადგამს.