ესპანელი ჟურნალისტი როდრიგო ფაესი მადრიდის "რეალის" მთავარ მწრთვნელთან კარლო ანჩელოტისთან დაკავშირებით საინტერესო ინფორმაციას ავრცელებს.

მისი ინფორმაციით, "ბლანკოსის" ბორდი იმედგაცრუებულია იმით, რომ გუნდმა "ბარსელონასთან" წააგო.

კლუბში გავლენიანი ფიგურები აკრიტიკებენ კარლოს იმის გამო, რომ მას ალტერნატიული გეგმა არ ჰქონდა.

მოგეხსენებათ, "ბლაუგრანა" დიდი ძალებით დაცვაში იდგა, "რეალმა" კი არც თუ ისე ბევრი მომენტი შექმნა და საბოლოოდ კატალონიელთა დაცვას ვერაფერი მოუხერხა.

როგორც ჩანს, ეს ყველაფერი მადრიდში არ მოეწონათ.