მადრიდის "რეალმა" ლუკას ვასკესის გაცილების თარიღთან დაკავშირებით გადაწყვეტილება მიიღო. გაირკვა, რომ ის გუნდს მსოფლიო საკლუბო ჩემპიონატის დასრულების შემდეგ დატოვებს.

აღნიშნულ ინფორმაციას ჟურნალისტი ხოსე ფელიქს დიას ადასტურებს.

მისი თქმით, ვასკესი ზაფხულში გუნდს დატოვებს და კლუბი მის კარიერაში ამ მნიშვნელოვან ეტაპს შესაბამისად მიუდგება.

როგორც ირკვევა, "რეალი" გეგმავს ოფიციალური ცერემონიალის მოწყობას კლუბის ერთგული ვეტერანისთვის.

აქვე უნდა ვთქვათ ისიც, რომ დეტალები მაშინ გახდება ცნობილი, როცა ტურნირი დასრულდება.