Diario AS-ის ცნობით, ესპანეთის სამეფო თასის საპრიზო ფონდი 26 მილიონი ევროა. ეს თანხა მონაწილეებზე იმის მიხედვით ნაწილდება, რამდენად შორს გააღწევს გუნდი ტურნირზე. 

ტურნირის თითოეულ მონაწილეს 675 ათასი ევრო გარანტირებულად ერგება. "ბარსელონა", "რეალი", "ატლეტიკი" და "ოსასუნა" ნახევარფინალში გასვლისთვის კიდევ 240 ათასს მიიღებს. მაშასადამე, ნახევარფინალისტებს უკვე 915 ათასი ევრო აქვთ მოხვეჭილი. 

კოპა დელ რეის ფინალისტი 2.08 მილიონ ევროს მიიღებს. სხვა ყველაფერთან ერთად, სწორედ ეს თანხა დევს სასწორზე "ბარსასა" და "რეალის" ჯახში. 

აქვე გეტყვით, რომ ფინალის გამარჯვებული ბიუჯეტს 3 მილიონ ევროს შემატებს. 

"სამეფო კლუბისა" და "ბლაუგრანას" დაპირისპირება თბილისის დროით 23:55 საათზე დაიწყება.