გუშინ, FIFA The Best-ის ცერემონია გაიმართა, სადაც მთავარი ჯილდო "პარის სენ-ჟერმენის" ფეხბურთელმა ლიონელ მესიმ მიიღო.

აღსანიშნავია, რომ აღნიშნული გათამაშების ხმის მიცემაში მონაწილეობა ეროვნული ნაკრების მწრთვნელებმაც და კაპიტნებმაც მიიღეს.

საინტერესოა ის ფაქტი, რომ ავსტრიის ნაკრების კაპიტანმა და მადრიდის "რეალის" მცველმა დავიდ ალაბამ პირველ ადგილზე არა თანაგუნდელი კარიმ ბენზემა, არამედ პარიზელთა არგენტინელი შემტევი გაიყვანა.

როგორც ჟურნალისტი როდრიგო ფაესი იტყობინება, ამ საკითხთან დაკავშირებით ალაბა კარიმს უკვე გაესაუბრა, რათა ყველანაირი გაუგებრობა თავიდან ყოფილიყო აცილებული.

აქვე გეტყვით, რომ მესი აღნიშნულ პრიზს რიგით მეშვიდედ დაეუფლა.