"ლეგანსეთან" გამართული მატჩის შემდეგ, მადრიდის "რეალმა" დაადასტურა, რომ ვინისიუს ჟუნიორი ტრავმირებულია. როგორც ირკვევა, ბრაზილიელი შეტევი ჩემპიონთა ლიგაზე "ლივერპულთან" გასამართ თამაშს გამოტოვებს.

ესპანური კლუბის სამედიცინო ჯგუფმა განაცხადა, რომ 24 წლის ფორვარდს რეაბილიტაციისთვის დაახლოებით 3 კვირა დასჭირდება. გუნდის გეგმაა, რომ ვინი მოედანზე 18 დეკემბრისთვის დაბრუნდეს. ეს კი იმას ნიშნავს, რომ ბრაზილიელი ვინგერი 6 მატჩს გამოტოვებს.

აქვე გეტყვით, რომ მიმდინარე სეზონში, "რეალის" შემადგენლობაში ვინისიუს ჟუნიორის ანგარიშზე, ყველა ტურნირზე ჩატარებულ 18 მატჩში 12 გოლი და 8 ასისტია.

შეგახსენებთ, რომ "თეთრები" 13 ჩატარებული ტურის შემდეგ, ლა ლიგის სატურნირო ცხრილში 30 ქულით მეორე ადგილს იკავებენ.