გუშინ, ლა ლიგაში კატალონიის "ბარსელონა" "ალმერიასთან" 1:0 დამარცხდა. 

თამაშის შემდეგ, ოფიციალურად დადასტურდა, რომ რობერტ ლევანდოვსკის მარცხენა ბარძაყის დაჭიმულობა აქვს. პოლონელი ხუთშაბათს გასამართ "ელ კლასიკოში" მონაწილეობას ვერ მიიღებს. 

ადრია ალბერტსის მიერ გავრცელებული ინფორმაციის თანახმად, ლევანდოვსკი მზად იქნება 19 მარტს, მადრიდის "რეალის" წინააღმდეგ გასამართი შეხვედრისთვის, რომელიც ლა ლიგის ეგიდით ჩატარდება. 

ამ ინფორმაციას, ტონი ხუანმარტი ამატებს, რომ კლუბის აზრით, პოლონელი თავდამსხმელი შეიძლება ოდნავ ადრეც, "ბილბაოსთან" მატჩში დაბრუნდეს.