როგორც იცით, ვალენსიაში მომხდარი სტიქიური უბედურების გამო ლა ლიგის გასულ ტურში "ვალენსიასა" და მადრიდის "რეალის" მატჩი გადაიდო. 

აღნიშნულ შეხვედრის ჩატარებასთან დაკავშირებით გამოცემა "COPE" ახალ ინფორმაციას ავრცელებს. 

წყაროს ცნობით, დიდი შანსია იმისა, რომ ეს დაპირისპირება 2025 წლის 2 იანვარს შედგეს. 

აქვე უნდა ვთქვათ ისიც, რომ ოფიციალური ინფორმაცია ცნობილი ჯერჯერობით არ არის და ამ საკითხზე მოლაპარაკებები აქტიურად მიმდინარეობს. 

ცნობისთვის, "რეალს" თავისი შემდეგი დაპირისპირება 24 ნოემბერს "ლეგანესის" წინააღმდეგ ელის.