ლა ლიგის მე-12 ტურში, "ოსასუნასთან" გასამართი მატჩის წინ, კარლო ანჩელოტიმ მადრიდის "რეალის" ამჟამინდელ არეულ სიტუაციაზე ისაუბრა, რომელიც კილიან მბაპესა და ვინისიუსის პოზიციებს ეხება. 

მედიასთან საუბრისას იტალიელმა სპეციალისტმა ხაზგასმით აღნიშნა, რომ უპირველესად, მადრიდელთა მთავარი პრობლემა არა შეტევაში, არამედ დაცვის ხაზშია. 

"მე არ ვაპირებ ვინისიუსი ისეთ პოზიციას მოვაშორო, საიდანაც მას უდიდესი სარგებელი მოაქვს. მბაპეს თავდამსხმელად თამაში თავისუფლად შეუძლია, თუმცა ეს არ არის მთავარი საკითხი. მის ამას არ გავაკეთებ, რადგან პრობლემა დაცვაშია.

"რაც შეეხება უშუალოდ კილიანს, ის ფორვარდის პოზიციას კარგად ეგუება, რაც გუნდს მოქნილობის საშუალებას აძლევს. ბუნებრივია, ჩვენ ეს ყველაფერი უნდა გამოვიყენოთ, თუმცა, პირველ რიგში, დაცვის სტაბილიზებაა საჭირო", - განაცხადა ანჩელოტიმ. 

შეგახსენებთ, რომ ბოლო პერიოდში, შიდა ჩემპიონატსა და ჩემპიონთა ლიგაზე "რეალი" ვერ დებს ისეთ შედეგებს, როგორსაც გულშემატკივრები მათგან ელიან. ამ მომენტისთვის, "თეთრები" ლა ლიგაში მე-2 ადგილს იკავებენ და ცხრილის ლიდერ "ბარსელონას" 9 ქულით ჩამორჩებიან.