უახლესი ინფორმაციის თანახმად, მადრიდის "რეალის" ლეგენდა, სერხიო რამოსი დიდი ალბათობით მომავალ სეზონში „ბოკა ხუნიორსში“ ითამაშებს. 

როგორც ირკვევა, ეს მისი ყოფილი თანაგუნდელის და ფეხბურთის კიდევ ერთი ვეტერანის, ფერნანდო გაგოს დამსახურებაცაა. 

აღსანიშნავია, რომ იგი არგენტინული კლუბის მწვრთნელის პოსტზე წელს დაინიშნა და მან და ხუან რომან რიკელმემ სერხიოს დასათანხმებლად ყველაფერი გააკეთეს.

უნდა ვთქვათ ისიც, რომ ლეგენდარული ესპანელი მცველი ამჟამად თავისუფალი აგენტია, თუმცა იგი "ბოკა ხუნიორსში" სავარაუდოდ იანვრის სატრანსფერო ფანჯრის მიმდინარეობისას გადავა.

ცნობისთვის, რამოსის ხელფასი აქამდე 5 მილიონი ევრო იყო, თუმცა ახალ კლუბთან შეთანხმების მიღწევის შემთხვევაში აღნიშნული თანხის შემცირება იქნება საჭირო.