"ბარსელონას" ფრანგ უკანახაზელს, ჟულ კუნდეს მადრიდის "რეალის" ბრაზილიელ სუპერვარსკვლავთან, ვინისიუს ჟუნიორთან მომავალი დაპირისპირების შესახებ ჰკითხეს. 27 წლის მცველმა შეკითხვას საკმაოდ ვრცლად უპასუხა.
"ვინისიუსი, ალბათ, ყველაზე დიდი საფრთხეა, მაგრამ "რეალს" სხვა ფეხბურთელებიც ჰყავს. ეს ტალანტით სავსე გუნდია, რომლის წევრებსაც შეხვედრის ლამის მარტო მოგება შეუძლიათ.
"ვინისიუსი არ არის ის ფეხბურთელი, რომლის 90 წუთით გაჩერებაც ერთ მოთამაშეს შეუძლია. აუცილებლად იქნება მომენტები, როდესაც დახმარება დამჭირდება.
"მეშინია თუ არა ვინისიუსის? მე მხოლოდ იმას გეტყვით, რომ შიშს საერთოდ არ ვგრძნობ.
"ის ოქროს ბურთის მოგების ერთ-ერთი უმთავრესი კანდიდატია, თუმცა მე ამას გამოწვევად ვუყურებ. ფეხბურთს ამიტომ ვთამაშობ. მე მიყვარს საუკეთესოებთან დაპირისპირება", - თქვა "ბლაუგრანას" ფლანგელმა.
შეგახსენებთ, რომ "რეალის" შვიდიანი შესანიშნავ სეზონს ატარებს. მიმდინარე სეზონში ჩატარებულ 14 მატჩში ბრაზილიელის მონაგარი 8 გოლი და 7 ასისტია.
