მადრიდის "რეალის" წარმომადგენლები ფიქრობენ, რომ კლუბმა ახალი ცენტრალური-მცველის დამატებაზეც უნდა იფიქროს, ინფორმაციას Marca-ს ჟურნალისტი, ფელიქს დიაში ავრცელებს.

მართალია, ესპანურ გრანდს ჰყავს ორი უმაღლესი დონის მცველი - რუდიგერი და მილიტაო, თუმცა გუნდის თავკაცებს უფრო მეტი კონკურენცია სურთ.

ამ პოზიციაზე კი უკვე გამოიკვეთა ვარიანტი, ლუკებასა და 2006 წელს დაბადებული მცველის, იორელ ჰატოს სახით.

კასტელო ლუკება ამჟამად "ლაიფციგში" ირიცხება და მისი სატრანსფერო ფასი Transfermarket-ის მიხედვით 40 მილიონი ევროა, რაც შეეხება ჰატოს, 18 წლის ფეხბურთელი "აიაქსის" საკუთრებაა და კლუბი მას 30 მილიონად აფასებს.