მადრიდის "რეალისა" და მსოფლიო ფეხბურთის ლეგენდა, ლუკა მოდრიჩი კარიერის დასრულებაზე ჯერ არ ფიქრობს!

ბევრი იწერებოდა იმის შესახებ, რომ ხორვატი ფეხბურთელი აღარ არის იდეალურ ფიზიკურ კონდიციებში და ის საფეხბურთო სამყაროდან წასვლას აპირებს, თუმცა Marca-ს ჟურნალისტის, ფელიქს დიაშის ინფორმაციით, 39 წლის ფეხბურთელი ჯერ წასვლას არ გეგმავს.

ლუკამ კარიერა მშობლიურ კლუბში, დინამო ზაგრებში დაიწყო, შემდეგ ტოტენჰემს შეუერთდა, 2012 წელს კი "სამეფო კლუბის" ფეხბურთელი გახდა.

შეგახსენებთ, რომ ესპანური გრანდის მაისურით მოდრიჩს სულ 546 მატჩი აქვს ჩატარებული, საიდანაც 39-ჯერ მოახერხა გოლის გატანა, ხოლო 88-ჯერ საგოლე გადაცემის შესრულება.